ឯក ឧត្តម វិល្លាម ចុះផ្ទាល់ភ្លាមៗក្រោយ​លេច​ធ្លាយ​រូបភាពហិង្សាធ្ងន់ធ្ងរ​ នៅកំពង់សោម ពេលអនុវត្តន៍ច្បាប់យកដីឲ្យឧកញ៉ា - ព័ត៌មានមនោគមវិជ្ជា - Ideology News

Post Top Ad

Saturday, January 26, 2019

ឯក ឧត្តម វិល្លាម ចុះផ្ទាល់ភ្លាមៗក្រោយ​លេច​ធ្លាយ​រូបភាពហិង្សាធ្ងន់ធ្ងរ​ នៅកំពង់សោម ពេលអនុវត្តន៍ច្បាប់យកដីឲ្យឧកញ៉ា

អាយឌីអូឡូជីញ៉ូស

​ភ្នំពេញ ៖ ការអនុវត្ត​សាលដីកា​របស់​តុលាការ​កំពូល ដោយមាន​កងកម្លាំង​នគរបាល កងរាជអាវុធហត្ថ​និង​យោធា ប្រមាណ​ជាង​១០០​នាក់ បាន​បើក​ការបាញ់ប្រហារ ​លើ​អ្នក​តវ៉ា​រឿង​ដីធ្លី ជាមួយ​អ្នកមាន​លុយ​មហាសាល មានអំណាច នៅ​ខេត្ត​ព្រះសីហនុ បណ្តាល​ឲ្យ​បុរស​ម្នាក់​រងរបួស​ដោយ​គ្រាប់​កាំភ្លើង និង​ជា​ច្រើន​នាក់​ទៀត ត្រូវ​ចាប់ខ្លួន​​ នៅ​ភូមិ​គគីរ ឃុំ​បិតត្រាង ស្រុក​ព្រៃ​នប់​ ខេត្ត​ព្រះសីហនុ ។

ឯកឧត្តម  សុខ សុវណ្ណវឌ្ឍនាសាប៊ុង (វិល្លាម) បានប្រតិកម្ម និងមានការទាមទារ ដោយបញ្ឈប់បន្ទាន់នូវការប្រើប្រាស់អាវុធ និងឈានទៅដល់ការចុះសិក្សាដោយផ្ទាល់ដើម្បីរកដំណោះស្រាយជូនប្រជាពលរដ្ឋ។

ក្រោយពីបានចុះទៅដល់កន្លែងផ្ទាល់ ស្រាប់តែឯកឧត្តម បានឃើញនូវរូបភាពហិង្សាធ្ងន់ធ្ងរខណៈពេលអនុវត្តន៍សាលដីការរបស់តុលាការកំពូលខាងលើនេះ ដោយឯកឧត្តមនឹងធ្វើរបាយការណ៍នេះដាក់ជូនប្រមុខរាជរដ្ឋាភិបាលដេីម្បីបានជ្រាប និងមានដំណោះស្រាយ ដោយថ្លែងតាមបណ្ដាញសង្គមថា៖

សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក បានចុះដល់ភូមិគគី ឃុំបិតត្រាង ស្រុកព្រៃនប់ ខេត្តព្រះសីហនុ ភ្លាមៗ ដេីម្បីតាមដានការអនុវត្តន៍ច្បាប់ របស់អាជ្ញាធរ ដែលបានបង្កេីតអោយមានករណីប្រឈមមុខគ្នារវាងប្រជាពលរដ្ឋនិងកងកម្លាំងប្រដាប់អាវុធ ឈានដល់ការផ្ទុះអាវុធ ចងស្លាបសេក / គប់ដបសាំង ដុតកង់ឡានជាដេីម។

រាល់តំរុយ នៃការអនុវត្តន៍ច្បាប់ប្រក្រតី និងមិនប្រក្រតី ទាំងឡាយគឺសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ និងរៀបរៀងជារបាយការដេីម្បីដាក់ជូនប្រមុខរាជរដ្ឋាភិបាលដេីម្បីជ្រាបនិងមានដំណោះស្រាយ។

យ៉ាងណាមិញសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក ពុំគាំទ្រទេរាល់ការអនុវត្តន៍ច្បាប់ទាំងឡាយណាក្នុងរឿងទំនាស់ដីធ្លីដែលឈានដល់ការផ្ទុះអាវុធឬហឹង្សានានា ដែលជាហេតុនាំអោយបរទេសចាប់កំហុសមកដាក់បន្ទុកលេីរដ្ឋាភិបាល ថាបំពាននិងរំលោភសិទ្ធមនុស្សជាដេីម ។

យេីងខ្ញុំរក្សាជំហរជានិច្ចក្នុងបេសកកម្ម បំរេីពលរដ្ឋ ការពារប្រយោជន៍ជូនពលរដ្ឋ និងនៅក្បែពលរដ្ឋរាល់ពេលមានទុក្ខលំបាកជានិច្ច។

ឯកឧត្តម វិល្លាមចុះទៅដល់កន្លែងផ្ទាល់

សូមជម្រាបជូនថា ៖​ការតវ៉ា​កើតមានឡើង​ដោយសារ​សាលដីកា របស់​តុលាការ​កំពូល​ចុះ​ថ្ងៃ​ទី​២១ ខែវិច្ឆិកា ឆ្នាំ​២០១៧ ដែល​បាន​សម្រេច​ផ្តល់​ដី​ទំនាស់​ចំនួន ៧១ ហិកតា​ទៅ​ប្រជាពលរដ្ឋ​ចំនួន ៩ គ្រួសារ ដែល​តំណាង​ដោយ​ដើមបណ្តឹង​ឈ្មោះ ឆាយ ណារិន និង គង់ វណ្ណា​។​

ហើយនៅពេល​ដែល​កងកម្លាំង​ប្រដាប់អាវុធ ព្យាយាម​ចូល​ទៅ​កាន់​ដី​ទំនាស់ ក្នុង​ឃុំ​បិត​ត្រាំ​ង អ្នក​តវ៉ា​ដែល​មួយចំនួន​កាន់ដំបង បាន​ដុត​កង់ឡាន និង​គប់​ដុំ​ថ្ម ដើម្បី​រារាំង​កងកម្លាំង​ទាំងនោះ​។ កងកម្លាំង ដែល​រួម​ទាំង​ទាហាន​មក​ពី​ភូមិភាគ​ខេត្ត​ព្រះសីហនុ បាន​ដកថយ ហើយ​ប្រមូលផ្ដុំ​គ្នា​ម្តងទៀត រួច​ចូល​ទៅ​កាន់​ដី​ទំនាស់​ម្តងទៀត​។ លើក​នេះ កងកម្លាំង​ទាំង​នោះ បាន​បាញ់កាំភ្លើង​គ្រាប់​ពិត​ឡើង​លើ​មេឃ និង​ទៅ​កាន់​ក្រុមអ្នកតវ៉ា ដែល​បង្ហាញ​ពី​ការប្រើប្រាស់​កងកម្លាំង​ច្រើន​លើសលុប​។​

ការតវ៉ារហូតឈានដល់ការផ្ទុះហិង្សា
@Ideology.News

No comments:

Post a Comment

Post Bottom Ad

Responsive Ads Here