ក្មួយប្រុសសម្ដេច លោក ហ៊ុន ជា ករណីមន្ទីរពេទ្យ វ៉ិចតូរៀ គ្រាន់តែចុះ​ទៅបិទទ្វារមិនឲ្យ​ប្រកបអាជីវកម្ម​តទៅទៀត គឺមិនគ្រប់គ្រាន់នោះទេ អ្វីដែលត្រូវធ្វើបន្ថែមគឺ - ព័ត៌មានមនោគមវិជ្ជា - Ideology News

Post Top Ad

Monday, January 14, 2019

ក្មួយប្រុសសម្ដេច លោក ហ៊ុន ជា ករណីមន្ទីរពេទ្យ វ៉ិចតូរៀ គ្រាន់តែចុះ​ទៅបិទទ្វារមិនឲ្យ​ប្រកបអាជីវកម្ម​តទៅទៀត គឺមិនគ្រប់គ្រាន់នោះទេ អ្វីដែលត្រូវធ្វើបន្ថែមគឺ

អាយឌីអូឡូជីញ៉ូស

ភ្នំពេញ៖ ក្រោយពីរដ្ឋមន្រ្តីក្រសួងសុខាភិបាល លោកសាស្ដ្រាចារ្យ ម៉ម ប៊ុនហេង បានចេញសេចក្ដីសម្រេច បិទមន្ទីរ «វ៉ិចតូរៀ» ពេទ្យនេះជាផ្លូវការ ដោយមិនបានគោរពតាមលិខិតដ្ឋានរបស់ ក្រសួងសុខាភិបាលបានដាក់ឲ្យ នៅសៀលថ្ងៃទី ១៤ ខែ មករា ឆ្នាំ ២០១៩ នេះមក  ឧត្ដមសេនីយ៍​ឯក​ផ្កាយ​មាស​បី ហ៊ុន ជា ដែលត្រូវជាក្មួយប្រុសសម្ដេច តេជោ ហ៊ុន សែន បានចេញសារមួយបន្ថែមថា គ្រាន់តែចុះ​ទៅបិទទ្វារមិនឲ្យ​ប្រកបអាជីវកម្ម​តទៅទៀត គឺមិនទាន់គ្រប់គ្រាន់នោះទេ អ្វីដែលត្រូវធ្វើបន្ថែមគឺ ស្វែងរកឃាត់ខ្លួនជនដែលបានប្រព្រឹត្តល្មេីស (អ្នកចាក់សោរ) បង្ខាំងមនុស្សទុកនោះយកមកផ្តន្ទាទោសតាមច្បាប់ ព្រោះវាគឺជាបទល្មេីសព្រហ្មទណ្ឌដែលមានចែងក្នុងមានត្រាច្បាប់ ។

ការប្រតិកម្មបន្ថែមនេះធ្វើឡើងតាមរយៈបណ្ដាញសង្គមគណនីហ្វេសប៊ុកលោកផ្ទាល់ ដោយបានរៀបរាប់ខ្លឹមសារទាំងស្រុងថា ៖

តាមគំនិតរបស់ខ្ញុំរឿងមន្ទីរពេទ្យ វុិតូរៀ ដែលបានចាក់សោរបង្ខាំងមនុស្សកាលពីយប់ម្សិលមិញនេះគឺបេីគ្រាន់តែចុះទៅបិទទ្វារមិនឲ្យប្រកបអាជីវកម្មតទៅទៀតគឺមិនគ្រប់គ្រាន់នោះទេ។ ក្រសួងសុខាភិបាលគួរតែសហការជាមួយកម្លាំងសមត្ថកិច្ចដេីម្បីស្វែងរកឃាត់ខ្លួនជនដែលបានប្រព្រឹត្តល្មេីស (អ្នកចាក់សោរ) បង្ខាំងមនុស្សទុកនោះយកមកផ្តន្ទាទោសតាមច្បាប់ ព្រោះវាគឺជាបទល្មេីសព្រហ្មទណ្ឌដែលមានចែងក្នុងមានត្រាច្បាប់ ។

ហេីយវាក៏ជាការព្រមានទៅដល់មន្ទីរពេទ្យឯកជន ឬគ្លីនិកឯកជនដ៏ទៃទៀតកុំឲ្យយកគំរូអាក្រក់តាមមន្ទីរពេទ្យវុិតូរៀនេះទៀតផងដែរ ៕  HUN CHEA

ឧត្ដមសេនីយ៍​ឯក​ ហ៊ុន ជា

ក្រោយសារនេះត្រូវបានផ្សព្វផ្សាយ មហាជន សម្ដែងការគាំទ្រយ៉ាងខ្លាំង ជាមួយនឹងការចែករំលែកបន្តជាច្រើននាក់ផងដែរ៕

សេចក្ដីសម្រេច ស្ដីពី ការបិទមន្ទីរពេទ្យ វ៉ិចតូរៀ
@Ideology.News

No comments:

Post a Comment

Post Bottom Ad

Responsive Ads Here